Gisuspendi sa Local Government Unit sa Compostela Davao De Oro ang face-to-face classes sa tanang lebel sa tanang pampubliko ug pribadong eskwelahan sa lungsod karong adlawa Lunes, Oktubre 5, 2026.
Ang maong suspensyon ipatuman isip pag-obserbar sa National Teachers’ Day ug World Teachers’ Day, nga gitumong usab nga mahatagan og higayon ang mga magtutudlo ug school personnel nga makasaulog sa maong espesyal nga adlaw.
Bisan pa sa pagsuspenso sa face-to-face classes, magpadayon ang pagkat-on sa mga estudyante pinaagi sa modular classes o uban pang angay nga alternative learning modalities nga ipatuman sa tagsa-tagsa ka eskwelahan.
Apil usab sa maong suspensyon ang teaching ug non-teaching personnel, subay sa mga polisiya ug guidelines sa DepEd, CHED ug TESDA, ingon man sa mga patakaran sa tagsa-tagsa ka institusyon.
