Giklaro sa usa ka barangay kapitan sa Manat, Nabunturan, Davao de Oro nga dili apil sa ilang Public Terminal fee ang mga pribadong sakyanan. Matud ni Kapitana Betty D. Dela Cruz sa Ekslusibong pakisayod sa Juander Radyo News Team gahapong adlawa, nga mga passenger vehicle lamang nga mogamit sa terminal ang sakop sa pagbayad sa terminal fee, ug walay labot niini ang mga private nga sakyanan.
Dugang pa ni Dela Cruz, ang mga sakyanan nga mosulod sa terminal ug mokuha og mga pasahero mao ang kinahanglan mobayad sa maong terminal fee.
Gipahayag usab sa kapitana nga nagsubay sila sa legal nga proseso sa pagpatuman sa maong bayranan ug wala sila naningil kung walay tukmang mga dokumento nga nagsuporta niini.
