Gipahigayon ang Opening Ceremony sa Provincial Cooperative Month Celebration 2026 sa Provincial Capitol sa Davao de Oro karong adlawa October 5, 2026.
Nisalmot sa maong kalihokan gikan sa 11 ka munisipyo sa tibuok probinsya, isip pagpakita sa ilang suporta ug aktibong partisipasyon sa pagpalambo sa cooperative movement sa Davao de Oro.
Ang selebrasyon naghatag og kahigayonan aron mapalambo pa ang kooperasyon tali sa mga cooperative, lokal nga pangagamhanan, ug komunidad, ilabi na sa paghatag og mga oportunidad alang sa panginabuhian ug kauswagan sa mga miyembro niini.
Nakaangkla ang kalihukan sa tema nga “Matibay na Kooperatiba, Pamayanan ay Aangat,” nga nagpasiugda sa papel sa mga kooperatiba isip importante nga katuwang sa pagpalig-on sa ekonomiya ug pagpauswag sa kinabuhi sa katawhan.
Gilauman usab nga pinaagi sa nagkadaiyang kalihukan atol sa Cooperative Month, mas mapalig-on ang panaghiusa ug partisipasyon sa mga cooperative sa 11 ka lungsod sa Davao de Oro.
