Dakpan ang duha ka indibidwal nga giila sa alyas nga “Telen,” 30 anyos, ulitawo, usa ka Job Order employee sa Local Government Unit (LGU) sa Ormoc City ug residente sa maong lugar, nga giila sa kapulisan isip High-Value Individual (HVI); ug si “Monmon,” 63 anyos, ulitawo, parapangisda ug residente usab sa Purok 2, Barangay Naungan, nga giila isip Street-Level Individual (SLI) atol sa usa ka buy-bust operation ng agilusad sa kapulisan didto sa Purok 2, Barangay Naungan, Ormoc City pasado alas-2:45 sa hapon niadtong Septiyembre 30, 2026.
Ang operasyon gipahigayon sa mga personnel sa Ormoc City Police Station 4 nga mitultol sa ilang pagkadakop.
Narekober gikan sa operasyon ang usa ka heat-sealed transparent plastic sachet nga gituohang adunay sulod nga shabu ug giingong gigamit isip subject sa pagbaligya, lakip ang laing 13 ka heat-sealed transparent plastic sachets nga gituohang adunay susamang substansiya. Nakuha usab sa mga pulis ang ₱500 nga buy-bust money, usa ka maroon nga coin purse ug usa ka transparent plastic.
Atol sa pagdakop gipasabot ang mga suspetsado sa ilang mga katungod ubos sa konstitusyon pinaagi sa lengwahe nga ilang hingpit nga nasabtan. Samtang ang mga nakompiskar nga ebidensya gidokumento og giimbentaryo usab didto mismo sa lugar sa panghitabo atubangan sa mga suspek ug sa mga gikinahanglan nga testigo subay sa balaod.
Giandam na sa kapulisan ang tukmang mga kaso nga ipasaka batok sa duha ka suspek.
Photo courtesy: Arcy Dy
