Nitungtong ang Pilipinas sa ikatulo sa unom ka Southeast Asian markets sa consumer trust sa teknolohiya, sumala sa 2026 Southeast Asia Consumer Tech Trust Score sa Vero ug Kadence International. Nakakuha ang Pilipinas og Tech Trust Score nga 75.3, luyo sa Indonesia (76.4) ug Vietnam (75.7). Ang digital payments ang pinaka-kasaligan nga teknolohiya sa Pilipinas, nga adunay score nga 81.8, gisundan sa online banking ug messaging apps.
Bisan taas ang pagkaila sa mga Pilipino sa digital payments, adunay dakong kal-ang sa aktuwal nga paggamit niini. Mokabat sa 78% ang pamilyar sa digital payments, apan 30% ra ang naggamit niini kada adlaw. Samtang, taas kaayo ang paggamit sa messaging apps ug social media—92% ug 88% matag adlaw—apan mas ubos ang ilang trust scores. Ang generative AI ang pinakagamay og trust rate sa Pilipinas, bisan pa nga 50% sa mga respondents pamilyar na niini.
Importante usab sa mga Pilipino ang papel sa gobyerno sa paghatag og kasiguruhan sa teknolohiya. Anaa sa 23% sa respondents miingon nga government approval ug compliance ang pinakalig-on nga timailhan sa ilang pagsalig sa usa ka tech company o produkto. Sa kinatibuk-an, gipakita sa pagtuon nga dili awtomatikong mosaka ang pagsalig tungod lang sa kanunay nga paggamit sa teknolohiya; mas importante gihapon ang transparency, seguridad, maayong pagdumala sa datos, ug accountability.
Photo courtesy: Fintech News Philippines
