Pormal nang gipulihan ang liderato sa Police Regional Office 13 o PRO13 nga si Police Brigadier General Rolindo M. Suguilon isip bag-ong Regional Director sa Caraga. Gipahigayon ang Turnover Ceremony sa Camp Col. Rafael C. Rodriguez, Barangay Libertad, Dakbayan sa Butuan.
Gipangulohan ang seremonya ni Police Lieutenant General Bernard M. Banac, Deputy Chief PNP for Administration, isip representante ni PNP Chief Police General Jose Melencio C. Nartatez Jr.
Gihulipan si PBGEN Marcial Mariano P Magistrado IV subay sa direktiba sa ilang naandan nga katungdanan. Gipasalig ni PBGEN Suguilon nga iyang ipadayon ang gipatuman nga seguridad sa kalinaw sa Caraga.
Iyang gihulagway ang bag-ong katungdanan isip usa ka dakong responsibilidad alang sa Dios, nasud ug katawhang Pilipino. Si Suguilon usa ka miyembro sa Philippine National Police Academy “PATNUBAY” Class of 1995 ug kaniadto nagsilbi isip Director sa PNP Training Service.
Samtang, ang outgoing PRO13 Regional Director nga si Police Brigadier General Marcial Mariano P. Magistrado IV, i-reassign sa Directorate for Comptrollership.
