Opisyal nga ginkilala bilang Certified Healthy Workplace ang Gobyerno-lokal sang Lebak, Sultan Kudarat matapos malampuson nga nakompleto ang Regional Validation para sa Healthy Workplace Program. Ginpangunahan ang validation team ni Arjohn Gangoso, RN, Health Education and Promotion Officer III.
Suno sa Local Government sang Lebak, nagapakita ini sang pagbinuligay kag dedikasyon sang Healthy Workplace Technical Working Group ukon TWG para masiguro ang hilway, mahimsog kag produktibo nga palibot para sa tanan nga empleyado sang munisipyo.
Nagpalab-ot man sang pagpasalamat ang bug-os nga LGU Lebak sa tanan nga nag-bulig kag naghatag sang ila oras para makab-ot ang importante nga pagkilala.
Photo Courtesy: Municipal Government of Lebak
