Ginapabakod sang P6.32 Milyon nga proyekto sang Department of Agriculture-Mindanao Inclusive Agriculture Development Project ukon DA-MIADP ang pangabuhian sang 500 ka Manobo-Dulangan coffee farmers sa sang Senator Ninoy Aquino, Sultan Kudarat.
Ang nasambit nga pondo, ginhatag para sa Kulaman Manobo-Dulangan Organization Incorporated ukon KMDO para sa produksyon, pagproseso, pagtipon kag pagbaligya sang green coffee beans.
Lakip sa assistance ang mga kagamitan pareho sang all-weather dryers, depulpers, dehullers, sorting tables, drying trays, moisture meters, refractometers kag weighing equipment, pati na hauling motorcycles.
Suno sa DA-MIADP, tinutuyo sang nasambit nga proyekto ang mapabakod ang kalidad sang kape pinaagi sa husto nga harvesting kag post-harvest practices, kag maminusan man ang gasto sa paghakot bangud mas malapit na ang mga pasilidad sa pagproseso sa mga production areas.
Suno sa mga opisyal sang KMDO, makabulig man ang proyekto sa pagpalapad sang merkado kag paghatag sang dugang nga oportunidad sa mga mangunguma kag kababaihan sa komunidad.
Photo Courtesy: PIA Sultan Kudarat
