Arestado ang isa ka 28 anyos nga drug personality matapos ginserbihan sang kapulisan sang search warrant sa Barangay Katitisan, Lambayong, Sultan Kudarat, pasado alas 5:56 sang aga sang Agosto 28. 2026.
Nagpatuman sang operasyon ang Lambayong Municipal Police Station, kaupod ang Sultan Kudarat Provincial Police Office, Regional Intelligence Unit 12, Regional Mobile Force Battalion 12, 1st Sultan Kudarat Provincial Mobile Force Company, 23rd Mechanized Company sang Philippine Army kag PDEA 12.
Naaresto ang suspek nga ginkilala sa alyas “Kinchay.” Narekober sa operasyon ang 16.19 gramos sang ginapatihan nga shabu nga nagabalor sang ginabulubanta P1000,000.00, lakip ang mga drug paraphernalia. Ang suspek kag ang mga nakumpiska nga ebidensya yara na sa kustodiya sang Lambayong MPS para sa nagakaigo nga legal nga proseso.
Suno kay Police Brigadier General Alan B. Manibog, Regional Director sang PRO 12, padayon nga pagapabakuron sang kapulisan ang kampanya batok sa ilegal nga droga agud maprotektahan ang mga komunidad, ilabi na ang kabataan kag mga pamilya.
