Ginatun-an na karon sa BFAR Region X ang pagpatuman sa closed fishing season alang sa isda nga sardines kon tamban sugod bulan sa Disyembre hangtud na sa bulan sa Marso sa sunod tuig.
Sumala pa ni Stephanie Tomarong, OIC sa Planning, Monitoring and Evaluation Unit Sa BFAR X nga padayon pa silang nagakalap og datus ug ginatun-an ang umaabot nga pagpatuman sa closed fishing season isip kabahin sa ilahang management measures aron nga maprotektahan ug dili sab maabuso ang resources.
Gipunting sab ni Tomarong nga gawas sa pagtuon sa implementasyon, pagmonitor kung natuman ba ang closed season, lakip sa ilahang ginapangandaman ang pag-ila sa mga apektadong mangingisda ug posibleng interbensyon nga ilahang mahatag aron nga matabangan sab ang mga mangingisda sa ilahang panginabuhian.
Photo courtesy: Wikipedia
