Gilunsad sa Department of Education (DepEd) ang bag-ong artificial intelligence platform nga gitawag og Learning Institution Geohazard Tracking and Assessment for Safety (LIGTAS+).
Nanguna sa paglusad sa sistema si DepEd Secretary Sonny Angara nga naggamit sa artificial intelligence, satellite imagery ug geospatial analytics aron mas detalyado nga mamonitor ang risgo sa mga eskwelahan.
Pinaagi sa LIGTAS+, mas sayon masuta kon unsang mga eskwelahan ang direktang apektado sa bagyo, baha, linog ug uban pang kalamidad. Tumong sa DEPED nga mas klaro ang pagdesisyon sa class suspension, imbes nga apilon ang tibuok lugar bisan pa og dili tanan nga eskwelahan apektado.
Matod ni Angara, dili igo nga magsalig lang sa resilience apan kinahanglan nga andam ang mga eskwelahan sa pagresponde ug pagpadayon sa pagkat-on bisan pa sa mga hagit nga dala sa kalamidad. Sumala sa EDCOM 2, milyon-milyong learners ang mawad-an og kapin 30 ka adlaw sa klase matag tuig tungod sa mga class suspension.
Photo Courtesy: Twitter
