Gipasabot sa sa Department of Labor and Employment kun DOLE Region-9 ang Labor Advisory No. 14, Series of 2026, mahitungod sa suspension sa trabaho sa private sector tungod sa weather disturbances ug susamang panghitabo sa kalamidad.
Sumala kang DOLE-9 Regional Director Albert Gutib, mahimong magsuspenso sa operasyon ang mga pribadong kompanya kung ang kahimtang sa panahon nagdala og risgo o seryosong hulga sa safety ug health sa mga empleyado.
Gipahinumduman usab sa Regional Director ang mga employer mahimong dili magpatrabaho sa empleyado tungod sa peligro nga dala sa daotang panahon dili angay hatagan og administrative penalty tungod lamang niini.
Sa maong kamanduoan, kung walay trabaho, kasagarang “no work, no pay” ang ipatuman, gawas kung adunay mas paborableng polisiya ang kompanya sa collective bargaining agreement nga gi-practice.
Tumong sa advisory nga masiguro ang kaluwasan sa mga trabahante samtang mapadayon ang responsableng operasyon sa mga pribadong establisemento panahon sa kalamidad ug grabeng kahimtang sa panahon.
