Arestado ang apat ka persona sang Philippine National Police ukon PNP ang P6.5 Milyon nga balor sang ginapatihan nga smuggled cigarettes sa separado nga operasyon sang Sultan Kudarat kag Davao del Norte sang Agosto 27, 2026.
Sa Columbio, Sultan Kudarat, duha ka suspek ang naaresto matapos ma-intercept sang kapulisan ang isa ka salakyan sa checkpoint sa Sitio Malingen, Barangay Poblacion.
Sa ginpatigayon nga operasyon, narekober ang 33 ka kahon sang ginapatihan nga smuggled cigarettes nga nagabalor sang ginabulubanta nga P1.41 milyon, lakip ang isa ka Isuzu Elf van.
Sa separado nga operasyon sa Asuncion, Davao del Norte, duha pa ka persona ang naaresto kun sa diin nakumpiska ang 90 master cases kag 1,500 reams sang ginapatihan nga smuggled cigarettes nga nagabalor sang masobra P5.1 milyon.
Yara na sa kustodiya sang kapulisan ang apat ka suspek kag ang mga nakumpiska para sa nagakaigo nga legal nga proseso.
