Kalisang, kabalaka ug nerbyos ang gibati sa mga residente dihang miulbo na sab ang laing sunog nga mikaylap sa palibot sa Navarro ug Zabala Streets, Barangay Taft, Surigao City kagabii, alas 8:28. Sumala sa report, nakadawat og tawag gikan sa usa ka concerned citizen bahin sa sunog nga nahitabo.
Dali nga nangabot ang Bureau of Fire Protection (BFP) Surigao City ug miabot kin isa 3rtd alarm base kang FSINP Eduardo P Quinto Jr., acting city fire Marshal.
Paspas nga gilamoy sa kalayo ang dikit-dikit nga kabalayan, kasagaran mga residential building ug boarding house tungod sa kusog nga hangin. Kadaghanan sa mga balay nga naapektuhan gama sa light materials. Alas 8:50 sa gabii,gideklarar sa BFP nga kontrolado na ang sunog.
Sa pagkakaron temporaryong anaa sa evacuation center sa eskwelahan ang mga bakwit samtang wala pa matino ang kantidad sa kadaot. Samtang padayon pa ang imbestigasyon sa BFP aron mahibal-an ang hinungdan sa sunog.
