Nagpadayon ang operasyon sa mga rescuers sa Nepal aron pangitaon ang kapin 1,300 ka mga tawo nga gikatahong nawala, human sa grabeng pagbaha sa rehiyon duol sa utlanan sa China ugNepal.
Sumala pa, misaka na sa labing menos 389 ang namatay, samtang gatusan pa ang padayon nga gisusi ang kahimtang, lakip ang mga gikatahong missing ang kapin 700 ka mga langyaw.
Mas nakapalisod sa rescue operation ang pagkaguba sa mga tulay ug pagkalubong sa mga balay tungod sa baha ug landslide.
Gipasidan-an usab sa mga otoridad ang lumulupyo sa posibilidad sa bag-ong pagbaha, human namugna ang usa ka dam tungod sa landslide nga adunay taas nga risgo nga mag-overflow.
Gituohang adunay kalabotan ang pag-collapse sa glacier inubanan sa landslide ang hinungdan sa trahedya diin nagpadayon pa ang imbestigasyon sa tinud-anayng hinungdan.
Photo Courtesy: WildweatherUS
