Gipadayon sa Japan ang nagkalain-laing karaang tradisyon ug summer festivals bisan pa sa grabeng kainit nga moabot sa 38 degrees Celsius sa Tokyo.
Lakip niini ang pagsaysay og makahadlok nga mga istorya o “kaidan,” usa ka tradisyon nga nagsugod pa sa Edo period ug gigamit kaniadto isip paagi sa paglingaw taliwala sa init ug humid nga panahon.
Sa panahon usab sa summer, gipahigayon ang dagkong “matsuri” o traditional festivals, diin makita ang mga parada, fireworks ug tradisyonal nga sayaw.
Importante usab ang O-Bon, diin gipasidunggan sa mga pamilya ang ilang namatay nga mga katigulangan pinaagi sa pagbisita sa mga lubnganan, paghalad ug pagdagkot og insenso.
Pinaagi niini, nagpabiling buhi sa Japan ang ilang karaang kultura ug tradisyon, samtang naghatag kini og panahon alang sa pamilya, komunidad ug paghinumdom sa ilang kagikan.
Photo Courtesy: Jamuso
