Gipahayag ni actress Iza Calzado nga lahi na karon ang iyang pagtan-aw ug paghatag og bili sa kinabuhi, atol sa iyang birthday celebration. Gipaambit sa aktres sa social media ang mga higayon nga iyang gigahin uban sa anak nga si Deia, bana nga si Ben Wintle ug ilang pamilya.
Nahimong espesyal alang kang Iza ang pag-uban sa unang adlaw sa eskwelahan sa iyang anak ug pagtan-aw sa dance class niini. Kabahin usab sa iyang birthday week ang pag-usab sa kahikayan sa ilang panimalay ug pagtangtang sa mga butang nga dili na kinahanglan.
Matud ni Iza, sa iyang kahimtang karon sa kinabuhi, mas iyang gipabilhan ang panahon uban sa pamilya, maayong pagkaon ug yanong mga higayon nga naghatag kaniya og kalipay.
Photo Courtesy: Iza Calzado FB page
