Nahimong sentro sa atensyon sa Thailand ang usa ka sikat nga manok pangsabong nga ginganlan og ManeeDaeng o “Red Gem” human kini namatay ug giingong gipahigayonan og pormal nga haya ug gihimoan kini og lungon.
Giila ang maong manok isip usa sa bantog nga fighting cocks ug breeder sa Thailand. Tungod sa iyang reputasyon sa sabong, gitawag pa kini sa pipila ka report nga “Number 1 fighting cock in the world.”
Giingon usab sa mga report nga miabot kuno sa 22 milyon baht ang bili niini, nga katumbas sa kapin ₱35 milyon, kung ibaligya.
Ang “Red Gem” usa ka mixed breed nga naglangkob sa Thai, Saigon ug Goi nga mga lahi. Tungod sa taas nga bili ug reputasyon niini, nakapukaw og katingala sa mga netizen ang paagi sa paghatag og katapusang pasidungog sa maong manok.
Photo Courtesy: Reang Community Farm
