Nagsagol ang kaguol ug pagmahay nga gibati sa usa ka amahan sa dihang nabalda ang iyang pagbiyahe pauli sa China sa dihang gidrowingan sa iyang 4-anyos nga anak ang iyang passport.
Nasayran nga gigamit sa bata ang itom nga marker sa pagdrowing sa passport, diin gipadako ang mga mata ug ngabil sa iyang amahan, gibutangan og buhok ang nawong, gidrowingan ug mga bulak ingon man mga hayop.
Matod pa sa amahan nga si Chen, misulay unta siya sa pagsakay sa eroplano pauli sa China gikan sa South Korea apan wala siya tugoti sa security personnel tungod sa iyang passport nga wala na namao.
Grabeng kabalaka ang gibati niini, maong nakadesisyon si Chen nga mudangop sa Chinese social networking platform aron mangayo og tabang ug tambag kung unsa ang angay niyang buhaton.
Samtang daling mikaylap sa social media ang maong panghitabo nga nakaani usab ug lain laing reaksyon sa mga netizens.
Photo Courtesy: Fox News
