Gipangunahan sa Juander Radyo Mati Team ang pagpahigayon ug Juander Radyo Loyalista Incorporated Orientation didto sa Badas Elementary School, Brgy. Badas, Mati City, Davao Oriental, karong adlawa, Agusto 29, 2026.
Sa maong kalihokan, gipasabot ngadto sa mga partisipanteng mga senior citizen ang kamahinungdanon sa organisasyon ug ang espiritu sa pagtinabangay nga usa sa tuyo ug tumong niini ang matabangan ang matag indibidwal nga mahimong miyembro.
Ang Juander Radyo Loyalista Incorporated usa ka organisasyon o grupo sa pagtinabangay diin ang mga miyembro muhatag lamang sa kantidad nga P10 centavos matag usa kung adunay miyembro sa grupo nga mamatay, aron makatabang sa gastuhon sa pamilya nga nabilin.
Giawhag usab ang mga residente sa probinsya sa Davao Oriental nga gustong magpa-orient sa ilang lugar nga mokontak o mudamgop lamang sa atong sibyaanan nga nahimutang sa National Highway, Valles Building, Barangay Dahican, Mati City, Davao Oriental.
