Daling girespondehan sa mga otoridad ang usa ka grade 9 student nga babaye kinsa gikatahong gisulayan ug lugos sa wala mailhing lalaki duol sa Techno Park sa Barangay DMM, Mati City, kagabii Agosto 27, 2026.
Subay sa taho nga nasagap sa Juander Radyo Mati Team, nasayran nga giingong gidala ang biktima sa ngit-ngit ug kasagbutang bahin ug gisulayan nga lugoson sa suspek, apan swerte siyang nakalingkawas.
Tungod niini daling nagpakitabang ang biktima sa mga otoridad ug nasayran nga nakaangkon kini ug daghang samad sa nagkadaiyang bahin sa iyang kalawasan partikularmente na sa nawong nga bahin.
Sa pagkakaron padayun ang imbestigasyon sa mga kapulisan sa Mati PNP samtang ginapangita na usab ang responsable sa maong panghitabo. Samtang nagtanyag usab ug P100,000 nga reward si Mayor Mayo Almario sa makatudlo sa suspek nga misulay og lugos sa maong biktima.
Photo Courtesy: Ernel Huesaff
