Mas palig-onon pa ang kapasidad sa nasudnong depensa human gidugangan og P10 bilyon ang gisugyot nga pondo alang sa Armed Forces of the Philippines o AFP Modernization Program para sa tuig 2027.
Sumala kang Department of Budget and Management o DBM Secretary Kim de Leon, gamiton ang dugang nga pondo sa pagpalit og mga modernong kagamitan ug pagpauswag sa mga pasilidad militar, nga usa sa mga prayoridad sa kasamtangang administrasyon.
Tungod sa dugang nga alokasyon, moabot na sa P50 bilyon ang kinatibuk-ang pondo nga igahin alang sa modernisasyon sa AFP sa sunod tuig.
Gipahibalo usab sa DBM nga adunay P73.67 bilyon nga gigahin alang sa subsistence allowance sa kapin 583,130 ka military ug uniformed personnel o MUP ubos sa 2027 national budget.
Gipasabot sa ahensya nga ang dakong pondo alang sa sektor sa depensa nagpakita sa padayong suporta sa gobyerno ngadto sa mga sundalo ug uniformed personnel nga anaa sa frontline sa pagmintinar sa nasudnong seguridad, kalinaw ug kahapsay sa nasud.
Photo courtesy: PNA
