Lima ka National Government Agencies (NGAs) ug Local Government Units (LGUs) sa Zamboanga Peninsula ang gi-commend sa Philippine Drug Enforcement Agency (PDEA) Region 9 tungod sa ilang maayong pagpatuman sa Drug-Free Workplace Program.
Lakip sa giila ang GSIS Zamboanga City, GSIS Pagadian City, DOH Zamboanga Sibugay, DILG Zamboanga Sibugay, ug unom ka barangay sa Pagadian City.
Sumala ni PDEA Region 9 Public Information Officer Darmalyn Jumlail, giila ang maong mga ahensya ug barangay tungod sa ilang mga lakang sa pagpalig-on sa mga polisiya ug programa batok sa illegal nga droga sulod sa workplace.
Gihatagan ug gibug-aton ni Jumlail ang pagpatuman sa Drug-Free Workplace Program aron mapadayon ang luwas, produktibo ug drug-free nga palibot sa mga empleyado.
Kabahin sa programa ang preventive education, drug testing ug intervention alang sa mga empleyadong mahimong maapektuhan sa paggamit sa illegal nga droga.
