Nagapabilin sa iya pwesto bilang Gobernador sang Sultan Kudarat si Datu Pax Ali Mangudadatu bisan pa sang bag-o nga desisyon sang Supreme Court nga naga-kansela sang iya Certificate of Candidacy ukon COC sa 2022 Gobernatorial election.
Suno sa pagpa-athag, ang desisyon sang Supreme Court nagasentro lamang sa 2022 election kag wala nagakwestyon sa balido sang 2025 Gobernatorial election, diin liwat nagdalagan kag nagdaog si Mangudadatu.
Ginkumpirmar sang Korte ang pagkansela sang iya 2022 COC bangod sa residency requirement kag nagdesisyon man nga ang vacancy sa pwesto dapat sulbaron paagi sa legal nga succession sa idalom sang Local Government Code.
Ginbayaan man sang Supreme Court ang ginatawag nga “second placer rule,” nga nagakahulugan nga ang nag-second place sa eleksyon indi awtomatiko nga mangin Gobernador kun ma-disqualify ang nagdaog.
Samtang, ang kasamtangan nga termino ni Mangudadatu naghalin sa iya bag-o nga mandato nga ginhatag sang mga botante sang Sultan Kudarat sa 2025 elections.
Gani, ang desisyon sang Supreme Court wala nagapahalin sa iya sa pwesto ukon nagapawagtang sang resulta sang 2025 election.
Photo Courtesy: Idolo Datu Pax
