Arestado sang mga otoridad ang isa ka 41-anyos nga wanted sa ginpatigayon nga joint manhunt operation sa Purok Rang-Ay, Barangay Poblacion, Lambayong, Sultan Kudarat, pasado alas-nuwebe sang aga sang Agosto 27, 2026. Ang operasyon ginpangunahan sang Lambayong Municipal Police Station, kaupod ang iban pa nga law enforcement units.
Ang nadakpan ginkilala sa alyas nga “Kato,” 41-anyos, lalaki, kasado kag isa ka mangunguma nga residente sang Sitio Baumol, Barangay Pidtiguian sa amo man nga banwa.
Gindakop ang nasambit nga suspek base sa duha ka warrant of arrest para sa Qualified Trespass to Dwelling kag Grave Threat, nga gin-isyu sang korte sang Hulyo 6, 2023 apang ang duha ka kaso may ginrekomendar nga piyansa nga P36,000.00 kada isa.
Suno kay PRO 12 Regional Director PBGen Alan B. Manibog, padayon nga pagapabakuron sang kapulisan ang police-community partnership agud mas madasig nga madakpan kag makapangatubang sa korte ang mga wanted persons, samtang ginapasiguro nga ang tagsa ka operasyon nagasunod sa balaod kag nagatahod sa tawhanon nga katungdanan.
