Patay nang nakaplagan ang usa ka bag-ong himugso nga bata human kini gikatahong gilabay daplin sa dagat sa munisipyo sa Baganga, Davao Oriental niadtong nakalabay nga adlaw.
Base sa impormasyon nga nakalap sa Juander Radyo Mati Team, nasuta nga bag-o pa lamang gilabay tungod kay wala pa kini manimaho.
Sa sinugdan, gituohan sa pipila ka residente nga monika lamang ang ilang nakita, apan sa ilang pagsusi nakumpirma nga usa kini ka bag-ong himugso nga bata.
Sa pagkakaron nagpadayon pa ang imbestigasyon sa Baganga Municipal Police Station aron mahibal-an kung kinsa ang responsable sa paglabay sa maong bata ingon man aron mahatagan ug hustisya ang kamatayon niini.
Photo Courtesy: Rey Abrahan
