Usa ka babaye sa Meerut, India ang gikataho nga nagpahimo og peke nga report sa missing nga bata aron mapugos ang mga awtoridad sa pagtagad sa dugay nang wala malimpyohang drainage duol sa ilang lugar.
Human niya matawag ang polis ug ireport nga adunay nawala nga bata, dali nga miresponde ang mga pulis ug municipal workers ug nagsugod og pagpangita sa maong lugar.
Apan nadiskobrehan nga walay nawala nga bata, ug giingong gihimo lamang sa babaye ang istorya aron mapansin ang iyang reklamo bahin sa hugaw ug napasagdan nga kanal.
Mikaylap dayon online ang insidente, diin daghang netizens ang mipunting sa mas dakong isyu—nga usahay mas paspas pa ang aksyon sa mga awtoridad kung emerhensiya ang report, kumpara sa ordinaryong reklamo bahin sa mga problema sa komunidad.
