Nailhan na sa Digos City Police Station ang tulo ka menor de edad nga giingong nalambigit sa pag-post o pagpadala og mga hulga online nga may kalabotan sa mga eskwelahan ug ilang mga kauban nga estudyante sa Digos City.
Matud sa kapolisan, naghulat pa ang City Social Welfare and Development Office sa endorsement gikan sa mga eskwelahan sa mga estudyante aron ma-refer sila sa mga Barangay Council for the Protection of Children alang sa unom ka bulan nga monitoring ug intervention.
Gipahimangnoan usab sa mga awtoridad ang mga estudyante nga ang pagpadala o pag-post og hulga pinaagi sa social media, Messenger, ug group chats adunay katugbang nga mga sangputanan ug mahimong hinungdan sa kahadlok ug alarma sa komunidad.
