Mibalik na sa normal ang agas sa tubig sa linya sa Cagayan de Oro Water District o COWD sa Barangay Bugo, Cagayan de Oro City, base sa pinakabag-ong klaripikasyon sa water district.
Matud ni Engineer Kim Ferido Planning and Design Division Manager sa Engineering Department sa COWD, sunod-sunod ang mga trouble nga nasinati sa ilang mga linya sa panubig, apan padayon ang paningkamot sa water district aron mabalik sa normal ang serbisyo ug matubag ang panginahanglan sa mga konsumidor.
Giawhag usab sa COWD ang publiko nga i-report dayon ang bisan unsang problema sa linya sa tubig aron dali kining maaksiyonan. Kung dili dayon masulbad ang problema sa usa ka linya, mangita usab ang COWD og alternatibong pamaagi aron mapadayon ang suplay sa tubig sa mga apektadong lugar.
Photo courtesy: Cagayan de Oro City Water District
