Mokunhod ang presyo sa mga produktong petrolyo sunod semana kung magpadayon ang pagkunhod sa presyo sa lana sa international market.
Sa monitoring gikan Agosto 24 hangtod 26, adunay ₱3.50 matag litro nga pagkunhod sa diesel ug kerosene, samtang ₱1.10 matag litro alang sa gasolina. Positibo kini nga timailhan alang sa mga motorista nga nakasinati sa miaging pagsaka sa presyo sa petrolyo.
Bisan pa niini, padayon pang gibantayan sa oil industry ang lihok sa world market, ilabina ang posibleng epekto sa bag-ong economic sanctions batok sa Iran ug mga kaalyado niini.
Ang opisyal nga kantidad sa rollback hulaton pa sa final announcement sa mga kompanya sa lana.
Photo Courtesy: PNA
