Gidetain sa U.S. Immigration and Customs Enforcement o ICE ang 22-anyos nga Filipina registered nurse nga si Mariae Nacu sa Phoenix, Arizona.
Si Nacu, nga nailhan sa pamilya ug mga higala isip “LC,” nagtrabaho isip registered nurse sa St. Joseph’s Hospital sa Phoenix. Matud sa iyang boyfriend nga si Joshua Tapiceria Perea, adunay valid employment authorization si Nacu sa Estados Unidos.
Giingong gikuha siya sa kustodiya sa ICE didto sa usa ka airport sa Phoenix ug sa ulahi gibalhin sa Eloy Detention Center sa Arizona. Tungod niini, nangayo og suporta ang iyang pamilya ug mga mahal sa kinabuhi samtang nagpadayon ang legal proceedings.
Gihangyo usab sa pamilya nga dili ipagawas ang sensitibong detalye sa iyang immigration case samtang wala pa kini mahuman.
