Misuporta ang Philippine Commission on Women (PCW) sa House Bill 10099 nga nagtumong sa pagtangtang sa probisyon nga mahimong makapawala sa criminal liability sa rape pinaagi sa kaminyoon o pagpasaylo sa asawa.
Gipasiugda sa PCW nga ang rape usa ka krimen nga dili angay mapapas tungod lamang sa kaminyoon, ug dili usab kini mahimong paagi aron makalikay sa hustisya ang responsable.
Matud sa ahensya, importante ang pagtangtang sa Article 266-C aron mapalig-on ang proteksyon sa mga biktima ug masiguro nga ang consent dili mahimong ibase lamang sa kaminyoon o relasyon.
Base sa datos sa Philippine National Police, 1,842 ka kaso ubos sa Anti-Rape Law ang naitala niadtong 2025. Giawhag sa PCW ang Kongreso nga hatagan og prayoridad ang maong panukala aron masirad-an ang legal nga probisyon nga mahimong magamit sa paglikay sa criminal accountability.
Photo Courtesy: Devex
