Gipailalom sa hustong assessment ug intervention sa City Social Welfare and Development Office ang 14-anyos nga lalaki human makit-an og .45 caliber nga toy gun nga walay pellet sulod sa iyang school bag sa Digos City National High School.
Usa sa iyang mga classmate ang nakakita sa toy gun ug mipahibalo dayon sa ilang teacher, nga maoy nakigkoordinar sa kapulisan. Matud sa menor de edad, gidala niya ang toy gun isip prop alang sa safety drill sa September 3, diin gi-assign ang ilang section isip “Defenders.”
Kauban ang iyang inahan, gidala ang menor de edad sa Digos City Police Station ug human sa assessment, gi-refer ngadto sa Intensive Intervention Program.
Gipahimangnoan ang mga estudyante nga dili magdala og toy gun o susamang butang sa eskwelahan nga walay hustong pagtugot ug koordinasyon.
