Gipasalamatan ni former NBA Most Valuable Player Derrick Rose ang mainitong pagdawat sa mga Pilipinong fans atol sa iyang pagbisita sa Cebu. Mitambong ang kanhi NBA superstar sa usa ka ArenaPlus event, diin personal niyang giatubang ang mga bisita, nakig-selfie ug nagpahayag sa iyang pagpasalamat sa suporta sa mga Pinoy.
Gipaambit usab ni Rose nga dakong bahin sa iyang kalampusan ang iyang pamilya, pagtuo sa Diyos ug ang disiplina nga iyang gihuptan sulod sa iyang basketball career.
Matud niya, importante ang consistency, sakripisyo ug padayong pagpaningkamot aron makab-ot ang tumong sa kinabuhi. Gitapos ni Rose ang unang gabii sa iyang Cebu tour pinaagi sa mensaheng, “Salamat po,” ngadto sa iyang mga Pilipinong supporters.
Photo Courtesy: The Freeman
