Gikumpirma ni Mommy Pinty Gonzaga nga nanganak na si actress ug TV host Alex Gonzaga sa iyang unang anak nila sa bana nga si Mikee Morada.
Usa ka baby boy ang unang anak sa magtiayon, apan wala pa gipagawas sa pamilya ang eksaktong petsa sa pagpanganak ug uban pang detalye bahin sa bata.
Niadtong Agosto 25, nag-post pa si Alex sa iyang maternity photos diin iyang gipahayag nga mingawon siya sa panahon nga iyang gikugos ang anak sulod sa iyang tiyan.
Nagpasalamat usab ang aktres kang Jesus sa maayong panalangin nga nadawat sa ilang pamilya. Kini ang unang anak nila Alex ug Mikee human sa ilang kaminyoon.
Photo Courtesy: PEP.ph
