Nakadani og atensyon ang 10-anyos nga Filipino nga si Eunix Matthew D. Borreo, estudyante sa GEMS Cambridge International School sa Abu Dhabi, tungod sa iyang nagkadaiyang talento ug mga nahimong kalampusan sa iyang batan-ong edad.
Si Eunix giila isip usa ka multi-awarded student, published author, student leader ug scientist. Lakip sa iyang mga sinulat ang “Under the Sea,” nga naghisgot sa misteryo sa kahiladman sa kadagatan, ug “The Dark Disease,” nga nagtuki sa posible nga epekto sa pagkadaot sa kinaiyahan.
Aktibo usab siya sa leadership ug teknolohiya human mapili isip Vice House Captain sa Yellow Team ug mahimong representante sa ilang eskwelahan sa Unified Robotics competition uban sa iyang team.
Nakadawat usab siya sa “Gem of the Year” award, nga giila isip simbolo sa iyang paningkamot, kakugi ug talento.
Sumala sa The Global Filipino Magazine, pangandoy ni Eunix nga mahimong scientist ug author aron makapadayon sa panukiduki ilabina sa natad sa Physics ug Astronomy.
Photo Courtesy: Instagram
