Gilauman sa Philippine Coconut Authority (PCA) nga mosaka og 5 porsyento ang produksyon sa lubi sa Pilipinas karong 2026. Matud ni PCA Administrator ug CEO Dexter Buted, ang pagtaas sa panginahanglan ug exports sa coconut products usa sa mga rason sa maong positibong panan-aw.
Tuig 2025, miabot sa 14.506 milyon metric tons ang total coconut production sa nasud, gamay nga mas taas kumpara sa 14.500 milyon metric tons niadtong 2024, sumala sa Philippine Statistics Authority.
Bisan adunay gamay nga pagkunhod sa produksyon sa fourth quarter, gilauman sa PCA nga mas molambo pa kini karong tuiga.
Photo Courtesy: Philippine Information Agency
