Mibalhin na si Jonathan Kuminga ngadto sa Minnesota Timberwolves human mopirma og duha ka tuig nga kontrata nga nagkantidad og $13 milyon. Gipili sa 23-anyos nga si Kuminga ang Minnesota imbis ang Los Angeles Lakers, Chicago Bulls ug Portland Trail Blazers.
Sa iyang pagbalhin sa Timberwolves, makadula siya uban sa mga prominenteng magdudula sama nila Anthony Edwards, Jaden McDaniels ug Rudy Gobert.
Napili si Kuminga isip ika-pito nga overall pick sa 2021 NBA Draft sa Golden State Warriors ug sa ulahi, napadulong siya sa Atlanta Hawks. Nakarekord si Kuminga og average nga 12.3 puntos, 5.3 rebounds, 2.1 assists ug 0.9 steals matag duwa, sa iyang 16 ka regular season games uban sa Hawks.
Gilauman nga makahatag si Kuminga og dugang nga kusog ug athleticism sa lineup sa Timberwolves alang sa umaabot nga season.
Photo Courtesy: NBA.com
