Nagpasiugda ang Department of Education o DepEd sa panginahanglan sa hiniusang paningkamot sa nagkadaiyang sektor alang sa mas luwas nga learning environment sa mga eskwelahan.
Matod ni Michael Dave Tan, Regl Information Officer sa DepEd 10, importante ang suporta sa mga magtutudlo gikan sa mga stakeholders, ginikanan ug lokal nga kagamhanan aron mas epektibong magiya ang mga bata ug mapalambo ang ilang maayong pamatasan.
Gipasiugda ni Tan nga dili lamang responsibilidad sa mga teachers ang pag-atiman ug pagdisiplina sa mga estudyante, kundili kinahanglan ang whole-of-nation approach aron masiguro ang ilang kaluwasan sulod ug gawas sa eskwelahan.
Kini samtang namatikdan sa DepEd ang pagbalik sa pipila ka insidente sa school violence, nga mahimong makaapekto dili lamang sa kaluwasan kondili usab sa pagkat-on ug kaayuhan sa mga estudyante.
Tungod niini, gina-awhag ang mga ginikanan, LGU ug uban pang stakeholders nga makigtambayayong sa mga magtutudlo alang sa mas luwas, malinawon ug maayong palibot sa mga tunghaan.
Photo ccourtesy: Department of Education Region 10
