Nakagradwar ang 500 ka coconut farmers gikan sa 11 ka lungsod sa Davao del Norte human malampusong nakakompleto sa School-on-the-Air (SOA) on Coconut Production and Processing nga gipahigayon sa Department of Agriculture–Agricultural Training Institute 11 (DA-ATI 11).
Pinaagi sa programa, gihatagan og dugang kahibalo ug praktikal nga pagkat-on ang mga mag-uuma bahin sa produksyon ug pagproseso sa lubi.
Samtang gipasiugda usab sa graduation ceremony ang ilang paningkamot ug kalampusan, lakip ang dakong papel sa mga partner agencies ug local government units sa pagpatuman sa programa.
Gipasabot usab sa DA-ATI 11 nga ang distance learning sama sa School-on-the-Air usa ka epektibong pamaagi sa pagpalig-on sa agricultural extension services ug pagpauswag sa panginabuhian sa mga komunidad nga nagsalig sa coconut farming.
Photo Courtesy: Agri Info Davao
