Nakasakmit og duha ka medalya ang usa ka miyembro sa Philippine National Police (PNP) gikan sa iyang pag-apil sa Muay Thai competition sa Thailand. Si Police Corporal Jonard E. Apa-an sa PNP Anti-Cybercrime Group ang nagmalampuson sa pagkuha og silver medal alang sa 51-kilogram Muay Thai Combat Category.
Gawas niini, bronze medal usab ang iyang gidala sa nagpadayon nga Wai Kru Singles event sa Siamyout Global Heritage Muay Thai Series 2026 nga gipahigayon sa Samut Songkhram, Thailand niadtong Agosto 10 hangtod 12.
Gipabati dayon ni Chief PNP Police General Jose Melencio C. Nartatez Jr. ang iyang pagtimbaya kay Apa-an tungod sa pagdala sa ngalan sa PNP ug sa tibuok nasod sa mga pormal nga international competition. Gipasalig usab sa lider sa PNP nga kanunay silang mosuporta sa mga pulis nga adunay talagsaong talento ug skills sa natad sa sports ug uban pa.
Photo courtesy: Philippine National Police
