Gipahayag sa Bureau of Internal Revenue (BIR) nga ang pagtangtang sa value-added tax (VAT) sa mga system loss charge mahimong dili na magkinahanglan og bag-ong balaod kon mapamatud-an kini nga gipasa lang nga koleksyon sa kagamhanan nga gawas sa taxable gross sales.
Sumala kay BIR Commissioner Charlito Martin R. Mendoza, aduna nay giandam nga draft resolution ang Energy Regulatory Commission (ERC) bahin niini. Kon mapinal na ang kamanduan, susihon sa BIR kon pwede ba nga ma-exempt o matangtang sa VAT base ang singil.
Gipasabot ni Mendoza nga sa pagkakaron, ang system loss ginasagol sa gross sales sa mga distributor, busa naapil kini sa ginapatong nga VAT. Apan gipaklaro niya nga pwede kini matangtang pinaagi lang sa administratibong proseso, susama sa gihimo sa BIR sa Lifeline Subsidy ug Green Energy Auction Allowance ubos sa Revenue Memorandum Circular No. 60-2026. Matud pa niya, klaro ang baruganan sa ahensya nga kon mapamatud-an nga kining singil gipasa ug wala nalambigit sa gross sales, dili kini kinahanglang buhisan.
Nisuporta usab si Finance Secretary Frederick D. Go sa lakang ug gipadayag nga padulong na sa kaayohan ang isyu basta matuman lamang ang gikinahanglang mga kondisyon. Samtang ang ERC nag-andam na alang sa public consultation sa tunga-tunga sa plano.
Photo Courtesy: Philippine News Agency
