Misresign isip manager ni actress Bea Alonzo si Shirley Kuan niadtong Agosto 11, human sa hapit 6 ka tuig nilang pagtinabangay. Human sa resignation ni Kuan, gipili ni Bea si film producer ug CinePanalo Film Festival director Chris Cahilig isip iyang temporaryong manager.
Matud ni Cahilig, siya ang kasamtangang nagdumala sa nahibiling professional commitments, endorsement inquiries ug ubang oportunidad alang sa aktres. Giklaro usab niya nga wala niya kuhaa si Bea gikan sa iyang kanhing manager, ug nisulod lamang siya human sa resignation ni Kuan.
Wala pa sila makahisgot sa dugayng direksyon sa career ni Bea, samtang giingong mas giprioridad karon sa aktres ang iyang pamilya human sa iyang kaminyoon kang businessman Vincent Co.
Photo Courtesy: Asian Journal
