Gipasidunggan og honorary 9th Dan sa taekwondo si President Ferdinand Marcos Jr., atol sa pagsaulog sa 50th anniversary sa Philippine Taekwondo Association o PTA sa Okada Manila. Gidawat nila Defense Secretary Gilbert Teodoro Jr. ug Philippine Sports Commission Chairman Gregorio ang maong pasidungog alang sa Presidente.
Gihatagan usab og honorary 5th Dan sila Teodoro, Gregorio, Philippine Olympic Committee President Abraham Tolentino ug PTA President Raffy Alunan.
Sa mensahe ni Marcos, iyang gipasiugda ang kontribusyon sa taekwondo sa pagpalambo sa disiplina, kahusayan ug maayong kinaiya sa mga Pilipino.
Gipasalig usab sa administrasyon ang padayong suporta sa mga programa, kompetisyon ug pagpalambo sa mga atleta ug coaches sa taekwondo sa nasud.
Photo Courtesy: Department of National Defense of the Philippines
