Aksidenteng nadiskubrehan niadtong 1963 ang talagsaong karaang underground city sa Derinkuyu, Turkey. Gikulit sulod sa humok nga volcanic rock ang dagkong bahin sa siyudad, nga gituohang gigamit isip kapasilongan sa mga tawo panahon sa hulga ug pag-atake.
Makita sa sulod niini ang mga puy-anan, kusina, tipiganan sa pagkaon, pasungan sa mga hayop, atabay ug mga ventilation shaft nga nagpasulod og hangin ngadto sa ilawom.
Ang Derinkuyu adunay daghang lebel nga nagpalalom sa yuta ug makapasilong kaniadto og libo-libong tawo uban sa ilang mga hayop. Karon, nagpabilin kining usa sa talagsaong ehemplo sa abilidad sa karaang mga tawo sa pagtukod og komunidad ilawom sa yuta.
Photo Courtesy: Big Think
