Dugangan pa ang kapulisan nga mobantay sa mga tunghaan sa syudad sa Sugbo, mga pampubliko ug pribadong tunghaan. Kini mao’y gibutyag ni Cebu City Councilor Dave Tumulak, nga mao’y labaw sa city disaster risk reduction and management council, atol sa eksklusibong pagpakighinabi sa Juander Radyo Cebu.
Diin matud ni Tumulak, nimando na usab ang acting City Director sa Cebu City Police Office nga si Pol. Col. Ricky Sumalde nga dugangan ang kapulisan diin adunay presensya sa mga barangay tanod.
Gidugang usab sa konsehal nga muhimo usab unya og consultation meeting sa mga kadagkuan sa eskuylahan, PTA Official ug kapulisan aron sayron ang mga safety measures nga angay buhaton pag-ila sa mga risgo sa mga tunghaan ilabi na ang mga kadaganan kun ugaling adunay mga insidente sama sa nahitabo sa usa ka tunghaan sa Zamboanga City.
Photo Courtesy: Philippine News Agency
