Human sa padayong pagbalewala sa Meta sa mga balaud og regulasyon, gitun-an karon sa Cybercrime Investigation and Coordination Center kon CICC ang pagban sa Facebook dinhi sa Pilipinas.
Sumala kang CICC Executive Director Usec. Renato Paraiso nga kinahanglang tahuron sa mga social media platforms ang mga balaud sa nasud ilabina sa mga sensitibong panghitabo.
Ang pamahayag sa CICC gipagawas niini human silang nakadawat og pagsaway gikan sa senado tungod sa dugay pagtangtang sa facebook sa video sa pagpamusil sa Ateneo de Zamboanga University. Nisamot pa ang kaitok sa mga senador human nga walay representante sa Meta nga nitambong sa pagdungog nga gipahigayon sa senado.
Photo courtesy: Change.org
