Gisugdan na ang pagberipikar ang Acquisition and Cross-Servicing Agreement (ACSA) tali sa Pilipinas ug Japan. Pinaagi niini, adunay lig-on nga legal nga pamalaod alang sa paghatag ug pagdawat og mga suplay ug serbisyo tali sa mga armadong pwersa. Kini usa ka lakang aron mas mapalawman pa ang kooperasyon sa duha ka nasod sa natad sa depensa.
Gidawat sa Department of National Defense (DND) ang pagsugod sa pagpatuman sa ACSA, nga gipirmahan sa Pilipinas ug Japan niadtong Enero 15. Ang kasabutan nagtugot sa Armed Forces of the Philippines (AFP) ug sa Japan Self-Defense Forces nga magpaambitay og mga kinahanglanon sama sa suplay ug serbisyo alang sa ilang mga operasyon.
Sumala sa DND, ang ACSA makapalig-on sa operasyon ug kooperasyon sa duha ka nasod pinaagi sa mas episyente ug koordinadong paghatag sa mga suplay ug serbisyo. Gilauman usab nga adunay dakong epekto ang kasabutan sa mga hiniusang kalihokan sama sa military exercises, humanitarian assistance, ug disaster response operations.
Tuyo usab sa maong kasabutan nga mapalambo ang kaandam ug abilidad sa mga armadong pwersa sa Pilipinas ug Japan sa pagtinabangay. Pinaagi niini, mas episyente nga mapahigayon ang hiniusang military exercises, disaster relief operations, peacekeeping activities, ug uban pang mga kalihokan nga uyonan sa duha ka nasod.
Photo courtesy: GBP Aerospace & Defence
