Gipailalom sa blue alert status ang Disaster Response Command Center sa Department of Social Welfare and Development (DSWD), samtang hugot nga gibantayan ang bag-ong tropical cyclone nga adunay international name nga Saudel, nga posibleng mosulod sa Philippine Area of Responsibility.
Sumala sa DSWD, andam na ang relief goods ug kapin 3.7 million ka kahon sa family food packs nga gitipigan sa nagkalain-laing strategic locations sa nasud.
Aduna usab kini og labing menos 667 million pesos nga standby funds alang sa posibleng disaster response.
Gipasalig sa ahensya nga andam ang ilang response teams ug logistical requirements nga daling ipadala sa mga lugar nga posibleng maapektuhan sa daotang panahon.
Gidasig usab sa DSWD ang publiko nga magpabiling alerto ug andam batok sa posibleng pagbaha ug pagdahili sa yuta.
Photo Courtesy:DSWD
