Nakita ang grupo sa 11 ka armadong kalalakin-an sa boundary road tali sa Sitio Datal Biao, Barangay Danlag, Tampakan ug Sitio Alyong, Barangay Kimlawis, Davao del Sur, niadtong nakalabay nga adlaw.
Base sa impormasyon gikan sa field sources, giingong adunay dala ang grupo nga M16 ug M14 rifles, lakip ang .45-caliber ug 9mm pistols.
Giingong nagpaila ang mga lalaki isip miyembro sa New People’s Army o NPA, apan wala pa mapamatud-i sa mga awtoridad ang ilang kalambigitan sa maong grupo.
Nakadugang sa security concern ang national government road rehabilitation project nga ginahimo sa maong lugar, tungod sa posibleng hulga ngadto sa mga residente, trabahante ug kontraktor.
Gipaabot pa ang opisyal nga kumpirmasyon sa mga awtoridad bahin sa identidad ug kalihokan sa maong armadong grupo.
